Çərşənbə axşamı , Fevral 7 2023

AMEA prezidenti: “İranda Azərbaycan dili məqsədli şəkildə yadlaşdırılır”

“İranda Azərbaycan dili məqsədli şəkildə yadlaşdırılır”.

Bunu AMEA-nın prezidenti, akademik İsa Həbibbəyli deyib.

Onun sözlərinə görə, İran mahiyyət etibarilə türk dövlətidir:

“İran adlandırılan dövlətə ən qədim dövrlərdən başlayaraq Səlcuqilər, Xarəzmşahlar, Qəznəvilər, Atabəylər, Ağqoyunlular, Qaraqoyunlular, Teymurilər, Səfəvilər, Əfşarlar, Qacarlar kimi Azərbaycan-türk sülalələri hökmdarlıq ediblər. Fars şovinistləri ayrı-ayrı dövrlərdə, xüsusən də XX əsrdə İranda rəhbərliyi zəbt ediblər. Əsrlər boyu İranda ümumi ünsiyyət dili, heç də mövcud rejimin bəyan etdiyi kimi fars dili deyil, həmişə Azərbaycan-türk dili olubdur. İndi də Tehran, Məşhəd və başqa böyük şəhərlərdə müxtəlif millətlərin nümayəndələri bir-birləri ilə ünsiyyət yaratmaq üçün Azərbaycan dilində danışırlar”.

İ.Həbibbəyli xatırladıb ki, fars dili məhdud rəsmi dairələrin, Azərbaycan dili isə İranda yaşayan bütün xalqların ortaq ünsiyyət vasitəsidir:

“Buna baxmayaraq, dünya azərbaycanlılarının lideri, Prezident İlham Əliyevin haqlı olaraq dediyi kimi, İranda məktəblərdə tədris olunmadığı üçün Azərbaycan dili məqsədli şəkildə “məişət dili səviyyəsinə endirilib”. Cənubi Azərbaycanda yaşayan soydaşlarımızın ana dili olan Azərbaycan dilinə süni yollarla çoxlu sayda ərəb-fars sözləri, yad izafət tərkibləri daxil edildiyi üçün orada dilimizin qrammatik quruluşu, bədii üslubu, danışıq dili xüsusiyyətləri ciddi yadlaşdırılma təsirlərinə məruz qalıb”.

“İran rejiminin Azərbaycan dilinə bu cür təcavüz etməsi orada yaşayan azərbaycanlıların dilinin qorunub-saxlanılmasını təhlükə altına salıb. Bütün bunlara görə İranda orta və ali məktəblərdə Azərbaycan dili mütləq sistemli və davamlı şəkildə tədris olunmalıdır. Azsaylı ermənilər üçün məktəblər, radio və kilsələr açan, qəzetlər çap edən İran İslam Respublikası çoxmilyonlu azərbaycanlıların ana dlində təhsil almaq hüququnu tanımalıdır. İranda yaşayan 35 milyondan çox azərbaycanlının ana dilində təhsil almaq hüququndan məhrum edilməsi insan haqlarına və ümumiyyətlə insanlığa tamamilə zidd olan qəbuledilməz hadisədir. Cənubi azərbaycanlıların hüquqları bərpa olunmalı, haqq etdikləri bütün azadlıqlar onlara verilməlidir”, – AMEA-nın prezidenti əlavə edib.

www.SEN.az

About FERZELIYEV

Check Also

Türkiyəli nazirdən itkilərlə bağlı AÇIQLAMA

“Türkiyədə zəlzələ 13,5 milyon insana təsir edib”. Bunu ölkənin ətraf mühit, şəhərsalma və iqlim dəyişikliyi …

Türkiyədəki azərbaycanlı tələbələr Bakıya yola salınacaqlar – ÖZƏL

ABŞ Çinin “havasını” al(ma)dı: Cənubi Qafqaz necə olacaq? – TƏHLİL + FOTO

ABŞ ilə Çin arasındakı soyuq münasibətlərin ruhu daha bir hadisə ilə təzələndi.   ABŞ öz məhrəminə daxil …

Azərbaycan vətəndaşları Bakıdakı Türkiyə səfirliyinin qarşısında zəlzələ qurbanlarını anırlar – FOTO

İstanbulda zəlzələ baş verən əraziyə getmək istəyən könüllülər böyük izdiham yaradıblar – VİDEO

Türkiyənin İstanbul şəhərindən zəlzələ bölgəsində axtarış-xilasetmə işlərinə qoşulmaq istəyən minlərlə könüllü İstanbul hava limanına axın …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir