www.SEN.az Sənin Əyləncən Sənin Dünyan
Süd Yolu qalaktikamızın mərkəzinin yaxınlığındakı “Oxatan B2” qaz və toz buludunda spirt molekulu olan izopropanol aşkar edilib.
Bu barədə Almaniyadan olan alimlərin rəhbərlik etdikləri beynəlxalq tədqiqatçılar qrupu elan edib. Onların müşahidələrinin nəticələri “Astronomy & Astrophysics” jurnalında dərc olunub.
Məlumata görə, alimlər ALMA teleskopunda spektroskopiyadan istifadə edərək kosmosda izopropanol (dezinfeksiya kimi işlərdə istifadə olunur) molekulunu müəyyən edə biliblər.
Maraqlıdır ki, izopropanolun özündən əlavə, alimlər onun yalnız karbon atomunda – propanolda fərqlənən izomerini də kəşf ediblər. Bu iki birləşmə ulduzlararası fəzada ilk dəfə müəyyən edilib.
Alimlər ümid edirlər ki, onların kəşfi kosmosda müxtəlif maddələrin necə əmələ gəldiyini aşkar edəcək.
Qeyd edək ki, qaz və toz buludlu “Oxatan B2” Yerdən 26 min işıq ili məsafəsindədir.
(“Oxatan B2” qaz və toz buludu)
(ALMA teleskopu)
Mənbə: Lenta.ru
www.SEN.az
