Çərşənbə axşamı , Avqust 16 2022

U-20 Avropa çempionatında uğur qazanan qızlardan ibarət güləş yığmamız Vətənə qayıtdı

U-20 Avropa çempionatında uğurlu çıxış edən qızlardan ibarət güləş yığmamızın üzvləri Vətənə qayıdıblar.

SEN.AZ xəbər verir ki, qitə birinciliyində 2 qızıl və 2 bürünc medal qazanan və 92 xalla komanda hesabında 5-ci yeri tutan millimizin üzvlərini Azərbaycan Güləş Federasiyasının rəsmiləri, məşqçilər, idmançıların yaxınları və yeniyetmə güləşçilər qarşılayıblar.

Böyük məşqçi Həsrət Məmmədyarov deyib:

“Komandanın çıxışını əla dəyərləndirirəm. Mən deyərdim ki, qızlar böyük şücaət, mərdlik göstərdilər. Özlərindən güclü rəqiblərə qalib gəldilər. Komandamla fəxr edirəm. Halal olsun. Qızlarımıza gələcək yarışlarda uğurlar arzulayıram. Çalışacağıq ki, dünya çempionatına da yaxşı hazırlaşaq”.

Avropa çempionu olan Elnurə Məmmədova çox sevincli olduğunu bildirib:

“İnanıram ki, daha böyük yarışlarda daha böyük nəticələr əldə edə bilərəm. Federasiya rəhbərliyinə minnətdarlığımı bildirirəm. Həsrət müəllim sağ olsun. Mən özümə inanmadığım vaxtda belə o mənə inandı. Əlimdən tutub məni qaldırdı. Ailəmə təşəkkürümü bildirirəm. Sonuncu təlim-məşq toplanıtımız Astarada keçdi. Olimpiya İdman Kompleksində hər şey yüksək səviyyədə təşkil olunmuşdu. Avqustda əvvəlcə İslam Həmrəyliyi Oyunları keçiriləcək. Alınsa, həmin yarışdan sonra dünya çempionatında iştirak edəcəyik. Çalışacağam ki, orada da ümidləri doğruldum”.

Qitə birinciliyində qızıl medal qazanan Birgül Soltanova:

“Sevincimin həddi-hüdudu yoxdur. Prezidentimizə, federasiyamızın rəhbərliyinə, yığma komandanın məşqçilərinə, şəxsi məşqçimə, mənə dəstək olan hər kəsə təşəkkürümü bildirirəm. Avropa çempionatına çox yaxşı hazırlaşmışdıq. Astara Olimpiya İdman Kompleksində təlim-məşq toplanışı keçmişdik. Türkiyədə də hazırlıq prosesi olmuşdu. 2019-cu ildə İtaliyada U-17 Avropa çempionatında bürünc medal qazanmışdım. Bu il yenidən İtaliyada uğur qazandım. U-20 Avropa çempionatının qalibi oldum”.

Qeyd edək ki, qızlardan ibarət millimiz U-20 Avropa çempionatları tarixində həm medalların əyarına, həm də toplanan xallara görə özünün ən yaxşı nəticəsinə imza atıb. Romada Elnurə Məmmədova (55 kq) ilə Birgül Soltanova (62 kq) qızıl, Əsmər Canqurtaran (50 kq) və Mərziyə Sadıqova (72 kq) isə bürünc medal qazanıblar.

www.SEN.az

About FERZELIYEV

Check Also

“Liverpul” ikinci oyunda da qələbəyə həsrət qaldı – VİDEO

İngiltərə Premyer Liqasında II tura yekun vurulub. Sen.Az xəbər verir ki, turun son matçı Liverpulda …

Mourinyo “Roma”nın qələbəsini 60 pizza ilə qeyd edib

Joze Mourinyo “Salernitan”a üzərindəki qələbəni qeyd etmək məqsədilə ziyafət təşkil edib. 1:0 hesablı səfər qələbəsindən …

Kvaratsxeliyadan uğurlu debüt, “Napoli” səfərdə darmadağına sevindi

İtaliya A seriyasının açılış turu davam edir. Sen.Az xəbər verir ki, günün maraqlı qarşılaşmalarından biri …

İslamiada: Azərbaycan qılıncoynadanı gümüş medal qazanıb

Azərbaycan şpaqaçısı Ruslan Həsənov Türkiyənin Konya şəhərində keçirilən İslam Həmrəyliyi Oyunlarında gümüş medal qazanıb. “SEN.az”un Konyaya …

Məşhur klublarda oynamış Avropa çempionu “Zirə”də

Təmkin Xəlilzadə və İlkin Muradovla yollarını ayırmağa hazırlaşan “Zirə” yeni transfer edir.  Klub serbiyalı yarımmüdafiəçi …

Bir cavab yazın

Sizin e-poçt ünvanınız dərc edilməyəcəkdir.