Neymar dizindən əməliyyat olunacağını açıqlayıb

Bakı. Trend:

Neymar sol dizindən əməliyyat olunacağını açıqlayıb.

Trend xəbər verir ki,
“Santos”un 33 yaşlı hücumçusu mövsümü zədə səbəbindən başa vursa
da, Braziliya çempionatının son dörd matçında beş qol vuraraq
komandanın A Seriyasındakı yerini qorumasına kömək edə bilib.

<!—->
<!––>

Neymar 38 matçdan yalnız 19-da oynayıb və səkkiz qol vurub.
Hücumçu bildirib ki, fiziki problemlərinə baxmayaraq, komanda və
azarkeşlərin dəstəyi üçün oynayıb.

“Buraya komandaya əlimdən gələn hər cür kömək etmək üçün gəldim.
Bu həftələr mənim üçün çətin keçdi. Mənimlə olan və məni
dəstəkləyən hər kəsə təşəkkür edirəm. Əgər onlar olmasaydı, zədəm
və diz problemlərim səbəbindən bu matçlarda oynaya bilməzdim. İndi
istirahət etməliyəm, sonra isə əməliyyat olunmalıyam”, – Neymar
deyib.