20.02.2019

Bağışla toyuna gələ bilmədim

1363437591 best alone away boy 655922 39f40

 Ruhum itgin düşüb,qəlbim soyuqdu,
Heç kimi sevmirəm,ürəyim toxdu, 
Sənə veriləcək hədiyyəm yoxdu, 
Bağışla toyuna gələ bilmədim... 

Ağıl getmə deyir ürək tələsir, 
Görmək ümidiylə titrəyir əsir, 
Nə sən günahkarsan nə mən müqəssir, 
Bağışla toyuna gələ bilmədim... 

Sevgiylə gözünə baxa bilərdim,
Dünyanı yandırıb yaxa bilərdim, 
O toyu başına yıxa bilərdim, 
Bağışla toyuna gələ bilmədim... 

Olmasın ortada bir haram tikə, 
Gəlişim qəlbinə salar səksəkə, 
O toyda əzabdan ölərdim bəlkə, 
Bağışla toyuna gələ bilmədim... 

Gizlədə bilməzdin bu böyük dərdi, 
Baxışım qəlbini dəlib deşərdi, 
Bilənlər başına töhmət edərdi, 
Bağışla toyuna gələ bilmədim... 

Çatsada göylərə ahım,gileyim,
Dedim ağ gününü qara etməyim.. 
Son bir qerar verdim:"Toya getməyim", 
Bağışla toyuna gələ bilmədim...

Çap E-mail